Euskal Herrian arrunta da. Kolore deigarria du, guztiz morea da, nahiz eta batzuetan esporen hauts zuriz estaliak agertu. Jangarria den arren, ez da batere preziatua eta txapela bakarrik erabiltzen da. Espezie toxikoekin nahas daitekeenez, kontu handiz ibili behar da identifikatzerako garaian.
Lakaria ubela
Laccaria amethystina
Dibisioa: Basidiomycota
Klasea:Agaricomycetes
Ordena: Agaricales
Familia: Hydnanginaceae
Klasifikazioa: (Huds.) Cooke, 1884
Makromorfologia
Pileoa
Txapelak 2-6 cm bitarteko diametroa du. Hasieran ganbila da, gero zapaltzen joaten da, eta azkenik, lobulatu eta deprimitu forma hartzen du. Zilborduna izan daiteke, besteetan berriz, barrurantz sartua agertzen da. Ertza irregularra du eta higrofanoa da. Kolore morea du, baina adinarekin eta eguraldi lehorrarekin kolorgetu egiten da, orri moreekin kontrastea handituz.
urt
ots
mar
api
mai
eka
uzt
abu
ira
urr
aza
abe