Coprinus eta antzeko perretxikoen artean eite sendoenetarikoa duen espeziea da. Lehenago Coprinus picaceus moduan ezagutzen zen. Erraz bereizten da pileoaren egitura bereizgarria dela eta. Hostozabalen basoetan aurki daiteke, eta udan eta udazkenean sortzen ditu perretxikoak.
Urbeltz zuribeltza
Coprinopsis picacea
Dibisioa: Basidiomycota
Klasea:Agaricomycetes
Ordena: Agaricales
Familia: Psathyrellaceae
Klasifikazioa: (Bull.) Gray, 1821
Makromorfologia
Pileoa
4 eta 8 cm arteko diametroko pileoa izan ohi du. Hasieran forma oboidea izaten duen arren, heldu ahala, azpialdeko ertza zabaldu eta goranzko bidea hartzen du. Kutikula marroia izan ohi da, ildaskatua. Perretxikoa heldu gabe dagoenean errezel zuriak guztiz inguratzen duen arren, denborarekin errezela pitzatu egiten da. Ondorioz, hondo marroiak eta errezelaren hondar zuriek kontraste handiako egitura sortzen dute, espeziea identifikatzea erraztuz.
urt
ots
mar
api
mai
eka
uzt
abu
ira
urr
aza
abe