Kolore gris arrekoa da, hasieran txurixka baina hazi ahala iluntzen doana, tinta beltz batez estalita geratuko balitz bezala. ‘Atramentarius’ hitzak ‘tintari dagokiola’ esan nahi du, eta izen hori hartzen du tinta beltz moduko batean desegiten delako heldu bihurtzean. Oso ohikoa da eta udaberri-udazken bitartean multzotan agertzen da baso, ibai-ertz, usteldutako egur eta lorategietan. Ez da oso mamitsua eta erraz apurtzen da. Alkoholarekin nahastuz gero toxikoa da.
Urbeltz gorritzailea
Coprinopsis atramentaria
Dibisioa: Basidiomycota
Klasea:Agaricomycetes
Ordena: Agaricales
Familia: Agaricaceae
Klasifikazioa: (Bull.: Fr.) Redhead, Vilgalys & Moncalvo
Makromorfologia
Pileoa
4-5 cm-ko diametroa dauka eta 3-5 cm-ko altuera lor dezake. Hasierako forma oboideoa bada ere hazi ahala kanpai itxura hartzen doa. Kolore aldaketa bat ere pairatzen du, hasieran txuri-horixka da eta denborarekin kolore griseko kutikula fibrotsu bat garatuko du. Erdialdetik kolore arreko egitura ezkatakarak ditu eta longitudinalki ildaskatua izan ohi ditu. Txapela, hazi ahala iluntzen da eta amaieran tinta beltza izango balitz bezala desegiten da.
urt
ots
mar
api
mai
eka
uzt
abu
ira
urr
aza
abe