Mycena generoko espezieen arteko politenetako bat da askorentzat. Perretxiko hau oso ugaria da konifero zein hostogalkorren basoetan. Generoko beste kideak ez bezala, Mycena pura espeziea lurrean hazi ohi da, orbelaren artean, gainontzekoak eroritako egurretan hazten diren bitartean. Gainera, errefau zapore eta usaina ditu, eta pileo ganbila eratzeko joera, kanpai-itxura hartuz eta ez, beste Mycena espezie batzuk bezala konikoa.
Kanpaitxo arbiusaina
Mycena pura
Dibisioa: Basidiomycota
Klasea:Agaricomycetes
Ordena: Agaricales
Familia: Mycenaceae
Klasifikazioa: P. Kumm., 1871
Makromorfologia
Pileoa
2-5 cm-koa, genero berdineko espezieena ez bezala hau ganbila da edo kanpai-itxurakoa. Pileoa haragi gutxikoa da eta higrofanoa da, hau da, hezetasuna handia denean zeharargitsu bihurtzen da barruko laminak ikus daitezkelarik. Gaztetan lila edo more kolore deigarria azaltzen du baina heldutasuna lortu ahala leunduz doa eta kolore morexka galtzen du hori, gorri, arrosa edo marroi kolorea garatuz.
urt
ots
mar
api
mai
eka
uzt
abu
ira
urr
aza
abe