Udazkenean mendietako zelai edo larreetan aurkitu daitekeen perretxiko honek oso itxura berezia du, izan ere, ingeleraz sorgin txapel deritzo, eta honek pileoari egiten dio erreferentzia, kono gorri bizia baitu hasieran gerora belzten delarik. Usain eta zapore oso ahulak dituen arren ez da jangarria, toxikotasun maila apala izan arren.
Ezko gorria
Hygrocybe conica
Dibisioa: Agaricomycotina
Klasea:Agaricomycetes
Ordena: Agaricales
Familia: Hygrophoraceae
Klasifikazioa: (Schaeff.: Fr.) P. Kumm.
Makromorfologia
Pileoa
Txapelak 2–5cm arteko diametroa izan dezake, oso gutxitan handiagoa izan eta 8 edo 9cmra iritsi daitekelarik. Txapel honek ez du mamia askorik, konikoa izatez gain itxura irregularra du eta kolore laranja edo gorri bizikoa izan daiteke, bizitasun hau ertzera bidean galduz doalarik. Zahartzean txapela zabalduz doa zartatzen den arte. Oso hezea egon ohi da eta lingirdatsua izaten da.
urt
ots
mar
api
mai
eka
uzt
abu
ira
urr
aza
abe