Errotariari bere irin zapore atsegin eta nabarmenak ematen dio izena. Jangarria den agarikoide honek kolore zuridun basidioma garatzen du, Kolore bereko himenoforoa, laminarra eta dekurrentea da. Honen ezaugarri bereizgarri bat usainaz gain, eite hauskorrada, begiratu bezain laster apurtuko dela ematen duelarik. Sukaldean nahiko preziatua izaten da, baina kontu handia izan behar da Clitocybe zuriekin (toxikoak direnak) nahiko erraz nahasi daitezke eta.
Errotaria
Clitopilus prunulus
Dibisioa: Basidiomycota
Klasea:Agaricomycetes
Ordena: Agaricales
Familia: Entolomataceae
Klasifikazioa: (Scop.: Fr.) P. Kumm
Makromorfologia
Pileoa
13 cm izatera heldu daiteke, nahiz eta normalean 4-11 cm inguruko diametroa izaten duen. Gaztea denean forma ganbila izatetik, zapala izatera pasatzen da eta zahartzen dijoanean ahurra bilakatu daiteke. Kutikula lehorra dauka, pixkat distiratsua, mamitik erraz banatu daitekeena eta kolore zurixkaduna (grisa ere izan daiteke). Pileoaren hertzak finak dira eta kiribildu eta kurbatua izatetik inkurbatua izatera pasatzen da.
urt
ots
mar
api
mai
eka
uzt
abu
ira
urr
aza
abe